26.4.17

ABRIL, MES DOS LIBROS 2017!

Este curso iniciamos unha nova actividade para celebrar o Día Internacional do Libro, os Apadriñamentos Lectores. A actividade consistiu en que os nenos máis maiorciños da escola durante a hora de ler exerceran de padriños e madriñas lectoras para os máis pequenos. A iniciativa foi un éxito e quedamos con ganas de máis!
Aquí quedan as imaxes dun momento lector máxico!




































30.3.17

MARZO, MES DA POESÍA...

Este mes de marzo o colexio encheuse de poesía! Primeiro celebramos o Día da Poesía creando poemas colectivos que serán recollido nun libro que ocuparán un lugar mois especial no andel de poesía e logo irrumpindo nas ulas de forma sorpresiva sen horario e sen control para ler e recitar poemas. 
Estas Accións Poéticas Subversivas (APS) leváronse a cabo durante dúas semanas, e neste vídeo queda unha mostra. Os nenos e nenas de educación infantil recitan o seu poemiña para os nenos e nenas de primeiro.
Foron momentos poéticos fantásticos que fixeron do cole un lugar especial durante este mes de marzo!  
VIVA A POESÍA!


8.3.17

8 DE MARZO "DÍA INTERNACIONAL DA MULLER"

Chega de novo o 8 de Marzo e desde a biblioteca imos abordar un dos días máis importantes do noso calendario de celebracións.
Un ano máis o colexio vai parar a súa dinámica diaria para centrarse na IGUALDADE.
Cinco horas de reflexión sobre a necesidade de pelexar pola igualdade entre homes e mulleres.
Nesta ocasión ímonos centrar no mundo deportivo: estereotipos, vestimentas, sexismo... desde o punto de vista de cinco especialistas en diferentes modalidades deportivas.
Érika falaranos de ximnasia rítmica, José Ramón de ciclismo, Lola de Voleibol, Alba de baloncesto e Noela de Hockei.
Seguro será unha xornada do máis interesante para o noso alumnado de infantil e primaria baixo o lema:
"NENOS E NENAS SOMOS IGUAIS E QUEN NON PENSE ASÍ AQUÍ ESTÁ DE MÁIS"

Gozade coa canción "Hemisferios". 8 mulleres, 8 voces, 8 de marzo

14.2.17

NOVO DESAFÍO PARA O MES DE FEBREIRO!

Atención, atención! 
Premede na imaxe do noso calendario para o mes de febreiro  e participade no desafío olímpico correspondente a este mes!










21.1.17

NOVO DESAFÍO OLÍMPICO...

Dende a Biblioteca propoñémosvos un novo desafío de investigación para todo o alumnado do colexio. 
Premede na foto para coñecer en que consiste. 
Moita sorte a todos e todas!
http://pdixogosolimpicos.blogspot.com.es/2017/01/desafio-olimpico-de-xaneiro.html

16.1.17

Mochilas Viaxeiras 2016/2017

Xa están en marcha as mochilas viaxeiras deste curso! Unha por nivel viaxarán de familia en familia para coñecer máis acerca do noso Proxecto Documental Integrado "Os Xogos Olímpicos". Cada mochila leva un exemplar e un pequeno díptico coa información para as familias. As lecturas deste curso van desde os poemas ata a información sobre deportes olímpicos pasando pola banda deseñada.Agardamos que gocedes destas lecturas olímpicas!

21.12.16

RECOMENDACIÓNS LECTORAS PARA O NADAL

Como este curso estamos moi deportistas as recomendacións lectoras para este nadal teñen como centro de interese o deporte, agardamos que Apalpador, Papá Noel ou Reis Magos teñan en conta que todos os nenos e nenas desta escola son grandes lectores e inclúan un libro entre os agasallos!
Feliz Nada!

Rec. Color Nadal Lect. Olímpicas c.16-17 by bibliotecamestremartinezalonso413 on Scribd

19.12.16

TRANSEXUALIDADE

Os nenos e nenas de sexto de primaria asistiron a unha clase moi especial preparada pola nosa alumna en prácticas Lara Pereira Fernández. Lara intentou sensibilizar ao noso alumnado sobre a problemática coa que se atopan os nenos e nenas transexuais. Preparou o seguinte documento que desde a biblioteca queremos compartir con tod@s. Tamén nos animamos a visitar o noso andel azul clariño na biblioteca escolar onde atoparedes un montón de recursos para traballar as diferenzas. 
Tod@s diferentes, Tod@s iguais!

Tamén queremos animarvos a ver o documental El Sexo Sentido para coñecer máis de preto esta realidade, premede no enlace para poder ver o documental.